沖繩二段料理 (荷里活廣場)

營業中

休息中

引入左沖繩炸包呢樣名物多年，一開始傳媒大力宣傳，不過熱潮好快就過去。作為吃貨，一路都想試食一下，但無奈聽到「炸包」呢個名，都會有點卻步，怕太油膩太炸。由屋企樓下商場開左呢間店舖，直到自己搬埋屋，事隔幾年，終於有一日下午茶時段經過，買左個黎試下。選揀既口味係今期流行 - 紫薯($20)。一開始以為沖繩紅芋係芋頭，不過店員話係紫薯，我都傻傻分不清楚。炸包比拳頭大少許，係即炸既，熱辣辣。咬落十分香脆，估唔到入面層「饅頭」都有用紫薯加麵粉咁搓。不過餡料就明顯無圖咁多，只係佔半個包既面積。紫薯蓉唔會太甜，亦唔膩，配埋炸包食都幾好味。下午茶黎講，都可以一試。