海街丼 (東港城)

營業中

休息中

行行下街老公又話要食下午茶，對我尼講下午茶係食下燒賣或者撈撈撈面，但對我老公尼講就要坐底食碗野，唯有搵間日本餐廳比佢坐底啦。餐廳無做下午茶，好在仲有午餐，見到有個特上海宝丼係有海膽既，咁梗係要一份另追加一份炸章魚。炸章魚比較細份，只有4粒。食慣炸魷魚既我覺得章魚比較難咬，我唔識欣賞但老公覺得唔錯。特上海宝丼係連餐盤咁上枱，有茶、湯、小食茄子、咸既啫喱(?)及一碗魚生飯。魚生飯賣相好靚，見到已經流哂口水，飯上面舖滿左蟹肉、蟹籽、2隻大甜蝦、吞拿魚及3大片海膽，全部都幾鮮甜。飯既話撈埋左三文魚肉、蜆仔及章魚，老公同我都覺得撈左蜆仔及章魚令到個飯CHEAP 左好多，章魚既口感同個飯一啲都唔夾，而蜆仔就係有種CHEAP 既感覺，或者應該問，魚生飯做乜要放啲熟既蜆仔？埋單時問返員工，先知道個咸既啫喱原來係壽司醋，撈落啲飯度就會變壽司飯。個飯上枱時無人介紹個啫喱，我又點會覺得佢係用尼撈飯架呢？食哂個飯我先食啫喱，因為我滿心歡喜以為佢係甜品....唔緊要啦，我下次都係食返啲平價魚生飯，特上 NO MORE。