人和月雞煲火鍋店 (已結業)

雖然店舖好似主打雞煲加火鍋，但同朋友一坐低見到新推出既限時頭盤餐牌有麻辣烤魚，覺得好似特別啲，所以就轉左食麻辣烤魚Set C 澳洲M4和牛海鮮大滿貫 $398頭盤：重慶麻辣烤魚雖然見到個湯好紅好多辣椒咁，但我地叫左小辣，食落無想像中咁辣。烤魚好大條好多肉，而且唔多骨，配菜仲有豆卜，萵筍 ，高麗菜，兩個人食完頭盤都有少少飽！芝士焗大頭蝦 每人都有半隻跟餐送既大頭蝦，大頭蝦都幾大隻，肉質爽口彈牙駕鴦湯 +$30椰青香茅青檸湯/藥膳養生牛奶鍋因為烤魚試左麻辣鍋，所以打邊爐叫左兩個清啲既湯底。椰青香茅青檸湯有泰式感覺，酸酸甜甜，幾開胃，同海鮮都幾夾。藥膳牛奶鍋奶白色，味道都幾濃郁牛肉大滿貫店員會先上一客共有8款既牛肉拼盤，澳洲M4和牛、封門柳同安格斯牛小排係限量，其他都可以無限量添加。其中M4和牛雪花紋理最靚，牛味香濃，肉質嫩。另外任食牛肉當中最推介牛板腱，以任食質素黎講都算出色！海鮮拼盤海鮮有5款，包括鮑魚、青口、蜆、蝦同扇貝，全部都好新鮮，蝦鮮甜彈牙，鮑魚軟淋其他配料可以用手機落單或者係出面雪櫃自取。配料款式都幾多，有花雕醉雞、墨魚滑、蟹子蝦滑、花膠、木耳餃、脘魚片、廣島蠔、丸類同蔬菜等。