影片
更多
2024-04-03
83 瀏覽
復活節趁住商場有免費泊車優惠，當然都要留港消費下😆今晚就同屋企人去咗海港城「羲和雅苑 」食烤鴨，呢度嘅烤鴨已經食過好多次，水準依然保持咁高質，坐喺窗邊望住靚靚嘅維港景色嘆美食，認真爽YY😌羲和馳名烤鴨師傅會推住一隻熱辣辣嘅烤鴨喺你面前即場片，會分成三碟，分別係鴨胸皮、鴨胸肉同鴨腿肉，另外會付上薄餅皮同多款特色醬料，餅皮煙煙韌韌夠薄身，除咗一般嘅甜醬、青瓜同京蔥絲，呢度仲有爆炸糖、黃芥末、山楂、紫洋蔥、藍莓醬，多種嶄新食法👍🏻鴨胸皮酥香鬆化，入口即溶，點上爆炸糖喺口入面卜卜咁爆開，刺激味蕾非常過癮鴨胸肉同鴨腿肉可以根據自己嘅喜好包餅皮或者點上店家特製嘅黃芥末醬黎食，味道酸酸甜甜可以減低油膩感。除咗一般嘅食法，餅皮仲可以包住紫洋蔥同山楂條一齊食，入口爽脆酸甜，口感零舍豐富😋芥末沙律蝦球脆米鍋巴上放上大大隻嘅蝦球，蝦肉新鮮爽口彈牙，炸粉夠薄，加上芥末沙律醬同蟹籽，入口多重口感，味道層次豐富三色皮蛋餐廳特色招牌小食，黃金皮蛋上加上紫姜粒、青椒粒同酸菜粒，中和咗皮蛋原有嘅澀味，入口Q彈中間糖心綿滑細膩，推介👍🏻羲和小肉餅每一件小肉餅上都插有一支吸管，裏面裝有黑醋汁，食之前將黑醋唧入肉餅中，肉餅以
羲和馳名烤鴨
師傅會推住一隻熱辣辣嘅烤鴨喺你面前即場片，會分成三碟，分別係鴨胸皮、鴨胸肉同鴨腿肉，另外會付上薄餅皮同多款特色醬料，餅皮煙煙韌韌夠薄身，除咗一般嘅甜醬、青瓜同京蔥絲，呢度仲有爆炸糖、黃芥末、山楂、紫洋蔥、藍莓醬，多種嶄新食法👍🏻
鴨胸皮酥香鬆化，入口即溶，點上爆炸糖喺口入面卜卜咁爆開，刺激味蕾非常過癮
鴨胸肉同鴨腿肉可以根據自己嘅喜好包餅皮或者點上店家特製嘅黃芥末醬黎食，味道酸酸甜甜可以減低油膩感。除咗一般嘅食法，餅皮仲可以包住紫洋蔥同山楂條一齊食，入口爽脆酸甜，口感零舍豐富😋
芥末沙律蝦球
脆米鍋巴上放上大大隻嘅蝦球，蝦肉新鮮爽口彈牙，炸粉夠薄，加上芥末沙律醬同蟹籽，入口多重口感，味道層次豐富
三色皮蛋
餐廳特色招牌小食，黃金皮蛋上加上紫姜粒、青椒粒同酸菜粒，中和咗皮蛋原有嘅澀味，入口Q彈中間糖心綿滑細膩，推介👍🏻
羲和小肉餅
每一件小肉餅上都插有一支吸管，裏面裝有黑醋汁，食之前將黑醋唧入肉餅中，肉餅以酥皮包住肉末捲成，表皮酥脆香口，入口除咗油酥香味仲帶有肉香，味道一流之餘，好玩又有特色
蒜蓉粉絲娃娃菜
超吸晴的手工菜色📸啱晒打卡😆中間嘅娃娃菜砌成花朵形狀，旁邊鋪滿蒜蓉同粉絲，娃娃菜清甜軟稔，粉絲吸滿清甜嘅湯汁同蒜香，簡簡單單嘅菜式已經非常好食
宮保雞丁
雞肉切粒再炸，每粒上都裹滿濃郁嘅醬汁，醬汁較為甜口，加入辣椒乾、京蔥、花生同腰果豐富口感，味道香甜帶微辣，非常下飯的一道菜式
籠仔櫻花蝦海味蒸飯
金黃色嘅米飯加上魷魚、櫻花蝦、蝦米同香蔥以籠仔去蒸，一打開香味撲鼻而來，海鮮嘅鮮味充分釋放米飯之中互相融合👍🏻
📍羲和雅苑 (尖沙咀)
尖沙咀廣東道3-27號海港城海運大廈2樓OTE203號舖
人均消費：$500-600
食物：⭐️⭐️⭐️⭐️⭐️
環境：⭐️⭐️⭐️⭐️⭐️
回頭率：⭐️⭐️⭐️⭐️⭐️
張貼
