The Hwaduk (已結業)

今日星期五約左放工去食韓國野，餐廳係其中一個朋友揀，所以來之前都冇睇過食咩。好彩我地訂左位，呢度冇限時，冇規定幾時要交檯，但又好多人食，唔訂位真係有排等。我叫左杯mango squash，麻麻地，芒果味好假。值得推介嘅係炸八爪魚，其實應該只係輕輕炸過，所以唔係覺得好油好熱氣。八爪魚好林好易咬。計埋上次韓燒之後，發現好似韓式嘅🐙係最好食。韓式芝士pizza配上蜜糖比起唔點落蜜糖好食好多。但如果落得太多蜜糖就蓋左芝士味變左蜜糖吐司。主角香辣烤雞都好惹味，甜中帶點辣。不過唔食得辣嘅朋友可能覺得係辣中帶點啦！第一次食韓式烤雞感覺唔錯！好過向香港食韓式炸雞。如果多人又想食雞，應該會再來！唯一服務方面....唔知點解叫左落單同埋單，張單都消失左。