影片
更多
2022-05-29
157 瀏覽
燒雞皮好好味上星期去咗油麻地整野，整完嘢之後就同佢一齊食飯，我哋去咗一間叫做MAKI拉麵嘅餐廳，裏面菜單呢有一款燒雞皮真係好好食，燒過嘅雞皮食落去唔會覺得好肥膩，而且仲有啲脆脆地嘅感覺，唔使加醬汁就咁食都好好食。講返正題先，我哋每個人叫咗一個拉麵醫肚，分別係叫咗黑蒜油豚骨拉麵，$78，同埋味噌豚骨拉麵，$85。先講黑蒜油豚骨拉麵，上面嘅黑蒜有好多，湯底都有好濃郁嘅黑蒜油味道。豚肉兩大片，肉質唔硬唔老，肥瘦適中，再加上有好濃郁嘅黑蒜油豚骨湯底，肉質都吸收左個湯底嘅味道，好入味嘅呢。仲有流心蛋，我就最鍾意食流心蛋，所以覺得好好食。仲有啲蔥花同埋木耳絲，令到成碗拉麵嘅口感同埋風味都提升左。麵條唔會好林，軟硬度適中，而且有吸收左湯底嘅味道，都好入味㗎。至於味噌豚骨拉麵，其實同頭先講嘅黑蒜油豚骨拉麵差唔多，主要係味噌同埋黑蒜油嘅分別。同埋多咗啲芽菜，少咗啲木耳絲。香蔥玉子燒$16，有好濃郁嘅蛋香，每一件都好結實，咬落去唔會散晒。鹽燒雞翼$16，燒嘅時間恰到好處，仲保留到雞翼裏面嘅雞汁，唔會燒到乾爭爭，啖啖肉，食到雞肉嘅原始風味。鹽燒秋葵$16，秋葵燒得比較乾身，冇添加其他嘅醬汁，食返原始秋葵嘅味
上星期去咗油麻地整野，整完嘢之後就同佢一齊食飯，我哋去咗一間叫做MAKI拉麵嘅餐廳，裏面菜單呢有一款燒雞皮真係好好食，燒過嘅雞皮食落去唔會覺得好肥膩，而且仲有啲脆脆地嘅感覺，唔使加醬汁就咁食都好好食。
講返正題先，我哋每個人叫咗一個拉麵醫肚，分別係叫咗黑蒜油豚骨拉麵，$78，同埋味噌豚骨拉麵，$85。
先講黑蒜油豚骨拉麵，上面嘅黑蒜有好多，湯底都有好濃郁嘅黑蒜油味道。豚肉兩大片，肉質唔硬唔老，肥瘦適中，再加上有好濃郁嘅黑蒜油豚骨湯底，肉質都吸收左個湯底嘅味道，好入味嘅呢。仲有流心蛋，我就最鍾意食流心蛋，所以覺得好好食。仲有啲蔥花同埋木耳絲，令到成碗拉麵嘅口感同埋風味都提升左。麵條唔會好林，軟硬度適中，而且有吸收左湯底嘅味道，都好入味㗎。
至於味噌豚骨拉麵，其實同頭先講嘅黑蒜油豚骨拉麵差唔多，主要係味噌同埋黑蒜油嘅分別。同埋多咗啲芽菜，少咗啲木耳絲。
香蔥玉子燒$16，有好濃郁嘅蛋香，每一件都好結實，咬落去唔會散晒。
鹽燒雞翼$16，燒嘅時間恰到好處，仲保留到雞翼裏面嘅雞汁，唔會燒到乾爭爭，啖啖肉，食到雞肉嘅原始風味。
鹽燒秋葵$16，秋葵燒得比較乾身，冇添加其他嘅醬汁，食返原始秋葵嘅味道。
泡菜豚肉串$26，一件薄薄地嘅豚肉包住啲泡菜，泡菜有少少偏酸，食落去酸鹹酸鹹嘅感覺。
汁燒茄子$12，一串有兩件，每件上面都佈滿左醬汁，食落去好惹味。茄子燒到有八成嘅柔軟度，食落去仲有兩成嘅硬度。
日本焦糖布丁福餅兩件$16，細細粒嘅焦糖布丁福餅，食完唔會覺得好滯或者好飽肚，有啲似甜品和果子咁細細粒。
燒油甘魚，呢個好好食，如果冇記錯好似係$95 ，燒到啱啱好時間 ，用筷子撩開，都已經見到魚肉好細嫩，而且油脂分布好平均，食落去仲有魚油香，旁邊跟咗一小塊檸檬，我覺得可以加可以唔加，因為淨係食呢個油甘魚已經好好食。
買單大概每個人$190左右，行出門口嘅時候，已經諗定下次再嚟嘅時候要再叫燒油甘魚，同埋燒雞皮，因為呢兩樣我覺得都真係幾好食。
張貼
