棋哥燒鵝 (已結業)

食燒鵝唔少人都會諗都要食棋哥，平時d同事都成日會食，今次到我黎試下啦。環境👍👍👍👍呢到位置方便，唔難搵。店舖唔細，位同位之間 有一定距離唔會好迫。整體衛生情況都唔錯，唔會好似一般茶餐廳咁樣有浸味，值得一讚！牆上都有同食客介紹燒鵝嘅製法，等大家都知道呢度嘅燒鵝同其他餐廳嘅唔同！食物👍👍👍👍必叫嘅一定係燒鵝，另外因為我哋叫咗二人套餐，所以有油菜同埋例牌叉燒。先講吓呢一度最出名嘅燒鵝，皮脆，而且肉質唔鞋，配埋秘製醬汁，果然唔錯！不過更加驚喜嘅係估唔到呢度嘅叉燒非常好食！首先肉質好林，而且有足夠嘅蜜汁喺上面，同叉燒配合得非常之好！二人套餐包左兩份飯或麵，加埋叉燒燒鵝同埋油菜，仲有嘢飲，兩個人食真係夠晒，價錢又唔貴，性價比非常高！