影片
更多
2018-01-31
1001 瀏覽
去深水埗搵食, 點少得呢間平民米芝蓮餐廳! 細個成日跟大人去飲茶飲到悶, 仲要好多茶樓嘅點心其實一般。但而家俾我搵到呢間有水準嘅點心舖, 真係愈黎愈鐘意食中式點心。平日六點半左右去到, 人未係好多, 所以唔洗排隊。坐地下個大廳免收加一, 茶位都係$2/位咋! 真係好抵! 雖然冇一般酒樓咁多選擇, 但勝在貴精不貴多。而且有好多平時見唔到嘅點心, 有D都幾特別, 好多野都想試。店內仲見到唔少外國遊客, 相信好多人都係慕米芝蓮嘅名氣而來。招牌酥皮叉燒包緊係一定要叫啦! 上菜好快, 真係好似啱啱焗起咁, 熱辣辣, 香噴噴。酥皮好香脆, 叉燒餡料好味。我地一人食一個半都唔夠喉, 耐何又想試多D野, 所以冇再多碟。隔離枱兩位外國女士就忍唔住叫完再叫, 一人食三個, 睇黎佢地都真係好鐘意!呢個春卷真係夠特別, 其他酒樓都冇見過。外層炸得好脆, 而且春卷賽螃蟹嘅味道又幾夾。蝦餃燒賣呢D間間酒樓都有, 但唔係間間都好食。呢度蝦夠大隻夠爽, 燒賣都估唔到咁彈牙! 平時食好多都係好淋, 或者一咬開就散晒, 邊有呢度咁好食。我地叫左兩個腸粉, 叉燒同豬潤。腸粉皮薄餡靚, 尤其係個豬潤腸唔單止夠晒特別, D豬潤
平日六點半左右去到, 人未係好多, 所以唔洗排隊。坐地下個大廳免收加一, 茶位都係$2/位咋! 真係好抵!
雖然冇一般酒樓咁多選擇, 但勝在貴精不貴多。而且有好多平時見唔到嘅點心, 有D都幾特別, 好多野都想試。店內仲見到唔少外國遊客, 相信好多人都係慕米芝蓮嘅名氣而來。
酥皮焗叉燒包
67 瀏覽
0 讚好
0 留言
賽螃蟹春卷
51 瀏覽
0 讚好
0 留言
呢個春卷真係夠特別, 其他酒樓都冇見過。外層炸得好脆, 而且春卷賽螃蟹嘅味道又幾夾。
蝦餃
46 瀏覽
0 讚好
0 留言
鮮蝦燒賣
60 瀏覽
0 讚好
0 留言
蝦餃燒賣呢D間間酒樓都有, 但唔係間間都好食。呢度蝦夠大隻夠爽, 燒賣都估唔到咁彈牙! 平時食好多都係好淋, 或者一咬開就散晒, 邊有呢度咁好食。
蜜味叉燒腸粉
57 瀏覽
0 讚好
0 留言
我地叫左兩個腸粉, 叉燒同豬潤。腸粉皮薄餡靚, 尤其係個豬潤腸唔單止夠晒特別, D豬潤仲好爽, 一D都唔淋! 豬潤腸真係值得一試。
流沙奶黃包
74 瀏覽
0 讚好
0 留言
流沙包又係好多酒樓都有, 個個都話自己嘅流沙, 唔通個個都真係流沙咩。呢度嘅堅係流沙, 但個人比較喜歡再多D嘅咸蛋黃, 呢度未係我食過最香嘅, 但咬開有熱辣辣嘅流沙已經好唔錯。
我地仲有好多野想試, 不過兩個人食咁多已經好飽。下次會再試多D!
張貼
