影片
更多
2018-07-16
804 瀏覽
無本事做優惠，就唔好學人做，用「歧視」既眼光「釘」住顧客，連基本尊重都無！我係其中一個應用程式既付款會員，見到家香有優惠，雖然1張"買一送一"係主菜，而另1張"買一送一只"係前菜，但係自己好鍾意試新野，咁啱個日一家4人係灣仔，就諗住去試下，點知....... 態度無得再差：係門口入座時問，呢個優惠今日可唔可以用，帶入座嗰位鬍鬚哥哥，個樣已經變一變，個刻我諗，可能太少人用呢個優惠，佢未黎得切反應，所以先變面啫，所以我照入去坐低，其中一位侍應表示，需要確認我可以用幾個張優惠，同時，因為間舖好細，一眼睇晒，嗰位鬍鬚哥哥，就企係收銀位置，用「歧視」既眼光「釘」住我地成檯，雖然佢地真係無乜生意，但係我絶對唔係唯一顧客，我怕阻住人地收舖，所以好趕咁同老公傾食乜，無討論走唔走，侍應返黎，表示我可以用晒兩張，包括主菜及前菜，佢用手掌放左係餐牌上，表示邊度係主菜，邊度係前菜，當我同老公睇餐牌既時候，老公同我都發現當時侍應隻手，係有放係一項目叫「肉類」，我地就有疑問「肉類」係咪都入主菜類，所以我示意有問題，其中一位侍應過黎，有的悔氣話：係「主菜」，「肉類」唔係。我心諗，你隻手放埋嗰個位，好似我煩親你咁，算
我係其中一個應用程式既付款會員，見到家香有優惠，雖然1張"買一送一"係主菜，而另1張"買一送一只"係前菜，但係自己好鍾意試新野，咁啱個日一家4人係灣仔，就諗住去試下，點知.......
態度無得再差：
係門口入座時問，呢個優惠今日可唔可以用，帶入座嗰位鬍鬚哥哥，個樣已經變一變，個刻我諗，可能太少人用呢個優惠，佢未黎得切反應，所以先變面啫，所以我照入去坐低，其中一位侍應表示，需要確認我可以用幾個張優惠，同時，因為間舖好細，一眼睇晒，嗰位鬍鬚哥哥，就企係收銀位置，用「歧視」既眼光「釘」住我地成檯，雖然佢地真係無乜生意，但係我絶對唔係唯一顧客，我怕阻住人地收舖，所以好趕咁同老公傾食乜，無討論走唔走，侍應返黎，表示我可以用晒兩張，包括主菜及前菜，佢用手掌放左係餐牌上，表示邊度係主菜，邊度係前菜，當我同老公睇餐牌既時候，老公同我都發現當時侍應隻手，係有放係一項目叫「肉類」，我地就有疑問「肉類」係咪都入主菜類，所以我示意有問題，其中一位侍應過黎，有的悔氣話：係「主菜」，「肉類」唔係。我心諗，你隻手放埋嗰個位，好似我煩親你咁，算~~~~諗住唔同你地拗，食完走，而當時，個位鬍鬚哥哥，全程都仲係「釘」住我地，你以為佢好好服務咩，諗住黎招呼我地，錯！！佢全程都無過黎，連埋單都唔係佢，佢既責任只係「釘」人！
到我地叫菜，唔知係咪因為我地都叫左好多菜，唔係全部淨係用"買一送一"，仲有叫3本飲品，額外仲有其他食品，落完單之後，每個侍應塊面，變番正常既「顏色」，有番「正常」的笑容，可能再加上，我叫幾樣野，已經有兩樣係買晒，所以侍應都會有少少禮貌咁，叫我地揀過其他，我從來無覺得侍應需要四萬咁口，但係絶對唔係「黑面」加「悔氣」，仲要被「歧視」，好明顯，落左單前後，改變好大~~~~
其實，如果無本事做優惠，做乜仲要一邊做優惠，一邊係度趕客呢！！
食物只屬普通，有的叫難食：
食物質素普通，個蒜泥白肉「鞋」口，飲品配搭係特別，但係又唔係好飲，炸雲吞，雖然炸得脆，皮多過醬，全程好似淨係食緊雲吞皮，仲有其他，都唔值得評語，普通。
總括黎講：有唔係出色既食物素質，有咁既服務態度，唔使錢我都唔會再食，雖然，你可能話，我無優惠去食，佢地應該唔會咁差態度，但係好難怪，唔知佢地去咩標準去「歧視」客人，俾我就唔會去受氣，出街食咁多次，除左街坊食肆可能預左有咁既服務態度，表面好似好高檔，而又無同佢地嘈過，都可以有咁「待遇」，我都係第一次！
張貼