影片
更多
2022-09-04
34 瀏覽
小店位於朗豪坊上面，位置便利；餐廳嘅裝修同環境都幾好，座位之間又夠寬，張枱就算擺曬啲菜式都唔會好逼！門面好夠光猛，仲有啲霓虹燈打卡位🤩，餐具枱凳果啲都唔會油笠笠，整體感覺企理乾淨！用QR code落單，唔會漏單，好有效率上菜速度好快👍🏻！------------------------------◖Supreme Set◗ $298/pp有牛、豬、雞90分鐘任食，仲包埋出面嘅沙律bar，有泡菜、沙律、炸物、甜品可以自己拎🥗！一坐低已經有店員上咗個梨汁牛五花同牛拼盤比我地，等都唔洗等就可以開始燒啦！肉類有好多選擇，今次主攻佢啲安格斯牛，牛肉油花足夠，牛味香濃！🔥推薦款式：🐂/全牛拼盤乜都有啲，雖然唔知係咩部位，見佢厚切薄切嘅都有，啱曬選擇困難症嘅朋友仔！🐂/韓式梨汁牛五花切得勁薄，基本上燒一分鐘已經食得，有薄脆嘅口感，仲帶啲梨汁嘅清甜🐂/牛肩肉油花佈平均，係厚切嘅牛肉片，肉質軟嫩，燒完之後，點佢嘅燒汁食真係好正！🐂/燒汁牛扒大大塊，醃得好入味，甜甜地，啲肉完全唔韌，有少少似食緊叉燒嘅感覺🦪/廣島蠔呢個真係超抵食，好有驚喜！用錫紙兜裝住，啲蠔大大隻肥美飽滿，食到有少少海水味，好creamy
------------------------------
◖Supreme Set◗ $298/pp
有牛、豬、雞90分鐘任食，仲包埋出面嘅沙律bar，有泡菜、沙律、炸物、甜品可以自己拎🥗！一坐低已經有店員上咗個梨汁牛五花同牛拼盤比我地，等都唔洗等就可以開始燒啦！肉類有好多選擇，今次主攻佢啲安格斯牛，牛肉油花足夠，牛味香濃！
🔥推薦款式：
🐂/全牛拼盤
乜都有啲，雖然唔知係咩部位，見佢厚切薄切嘅都有，啱曬選擇困難症嘅朋友仔！
🐂/韓式梨汁牛五花
切得勁薄，基本上燒一分鐘已經食得，有薄脆嘅口感，仲帶啲梨汁嘅清甜
🐂/牛肩肉
油花佈平均，係厚切嘅牛肉片，肉質軟嫩，燒完之後，點佢嘅燒汁食真係好正！
🐂/燒汁牛扒
大大塊，醃得好入味，甜甜地，啲肉完全唔韌，有少少似食緊叉燒嘅感覺
🦪/廣島蠔
呢個真係超抵食，好有驚喜！用錫紙兜裝住，啲蠔大大隻肥美飽滿，食到有少少海水味，好creamy鮮甜！
🦪/蜆
每粒卜卜蜆都好飽滿，燒熟之後鮮甜多汁，但就要燒得比較耐先開口
🦑/魷魚
切好曬嘅魷魚鬚，燒熟佢外面微燶脆脆地，點佢嘅醬汁食都幾惹味
🍌/香蕉年糕
呢個係出面自助bar嘅嘢食，以為係薯寶黎，食落一陣香蕉味爆發，原來係炸香蕉年糕，幾香幾煙韌！
嘢飲方面包左任飲嘅汽水同埋唔同口味嘅梳打🍹，叫咗杯熱情果梳打，可以消下膩，鍾意飲酒嘅朋友仲可以加錢任飲酒類🍻！
🌟Encore指數：8.5/10
------------------------------
見到佢啲款式冇Menu上面咁齊，但係主打嘅牛類（最重要）都有得食，而且肉質都幾好！可以全程淨係食佢啲牛同海鮮，覺得已經回番本！佢個燒肉爐唔大，但火力夠猛同埋可以自己調較火力，啲嘢食都好快熟，而且枱埋多咗位可以擺嘢！同埋餐廳抽風同個爐真係好掂，食完身上面真係冇油煙味，食完行返個街都唔會話好大陣味怕尷尬！
張貼
