炳記茶檔

營業中

休息中

一向是炳記的忠粉，為嘅係你地嘅食物同人味。但經過呢一次我以後就吾會再去幫襯。我同朋友去到，有張枱，我地兩個坐低左，有個人埋黎搭枱，由於實在太近距離，張枱又細，大家放喺枱面的食物又會貼到好近，耷底頭向住同一枱面食野又可能有湯汁彈出黎，平日嘅大牌檔當然就冇問題啦，但疫情下，真係吾係咁想飛沫交叉。我地並冇諗住走， 只係行番出去， 諗住排隊等路邊嘅細枱，諗住兩人枱會好些。點知，個呀叔好惡咁鬧我地一餐。話我地吾好以為呢到就吾洗搭枱，問我地係咪到時有人黎搭又再起身。我呆一呆。先吾講佢冇帶口罩，冇幫我地探熱，我都吾介意；我地只係以為坐細枱可以吾洗搭枱。 其實如果你好聲好氣講，我地會明白， 或者選擇去第到食， 下次先黎。但點解要鬧我地， 我轉頭走左仲聽到佢喺我背面嘈，我覺得超級難受。其實疫情下吾係應該互相體諒嗎？ 我保護自己都係保護大家，萬一有食客感染， 佢仲要吾要做生意呢？ 我真心堅難過，點解會有咁嘅對待，我以前風雨不改去食野，但以後都吾會再去。