富園冰室

營業中

休息中

有時懶唔想煮午餐，唯有叫外賣。新商場新茶餐廳，午市繁忙時間只有外賣自取，打電話去話20分鐘有得攞。我同老公叫咗兩樣嘢分享。去到餐廳好準時已經包好兩盒嘢，兩對筷子，兩隻匙羹。西式炒飯($52+$1外賣盒)。好足料，啖啖都有餸。有蕃茄粒，蛋花，腸仔粒，火腿粒，仲有蝦。炒得乾身，唔會太咸。份量大，一個女仔會食唔曬。食到底唔會有一層油，讚(橙色係我張枱墊)干炒豬扒炒公仔麵($52+$1外賣盒)。同樣唔馬虎，有芽菜，韮黃，洋蔥，蔥，蛋絲，同埋五舊豬扒。麵炒得乾身唔會太油。加豉油炒所以比較咸，豬扒炸過偏肥膩。總結係，佢無茶餐廳大忌重油鹽糖，可以再去幫襯~