影片
更多
2018-02-15
742 瀏覽
無限時任飲任食火鍋，平日星期一至四每位$298，星期五至日、公眾假期及前夕每位$328，另加一服務費。講返食物︰1) 雞煲或羊腩煲：送既，我地揀左雞煲，侍應無問我地要咩辣，個雞煲其實係越食越辣，好彩我地都食得辣者…2) 刺身拼盤：送既，有三文魚、希靈魚、北寄貝同魷魚，啲刺身係厚切，但味道就好普通，留肚打邊爐好啲;3) 蠔皇金錢花膠：送既，花膠煮得夠淋，金錢(冬菇)夠厚身入味;4) 至尊水餃皇：送既，大大隻水餃裡面包住好多隻蝦，皮薄饀靚，爽口彈牙;5) 海鮮盤：送既，有龍蝦、貴妃蚌、蝦、鱔片、青口同螺，龍蝦同貴妃蚌都大隻多肉、蝦爽口彈牙有鮮味;6) 極級牛頸脊：送既，紋理好靚，牛味濃，好好味;7) 小食：任食，有藥膳雞腳、涼瓜胡椒豬肚湯、泰式鳳爪、涼拌青瓜、雲耳，藥膳雞腳同涼瓜胡椒豬肚湯都煮得入味、涼拌青瓜、雲耳就普普通通;8) 湯底：我地揀左冬瓜瑤柱鍋，因為主要係食海鮮，所以揀個清清地既湯底去食返海鮮既鮮味，冬瓜瑤柱鍋有簡單既冬瓜同瑤柱，味道清甜;9) 配料：鴕鳥肉新鮮肉質夠淋、竹笙爽口、大魚頭好滑、脆鯇片爽脆、鱔片夠薄又滑身、粟米清甜、油麥菜新鮮
講返食物︰
1) 雞煲或羊腩煲：送既，我地揀左雞煲，侍應無問我地要咩辣，個雞煲其實係越食越辣，好彩我地都食得辣者…
2) 刺身拼盤：送既，有三文魚、希靈魚、北寄貝同魷魚，啲刺身係厚切，但味道就好普通，留肚打邊爐好啲;
3) 蠔皇金錢花膠：送既，花膠煮得夠淋，金錢(冬菇)夠厚身入味;
4) 至尊水餃皇：送既，大大隻水餃裡面包住好多隻蝦，皮薄饀靚，爽口彈牙;
5) 海鮮盤：送既，有龍蝦、貴妃蚌、蝦、鱔片、青口同螺，龍蝦同貴妃蚌都大隻多肉、蝦爽口彈牙有鮮味;
6) 極級牛頸脊：送既，紋理好靚，牛味濃，好好味;
7) 小食：任食，有藥膳雞腳、涼瓜胡椒豬肚湯、泰式鳳爪、涼拌青瓜、雲耳，藥膳雞腳同涼瓜胡椒豬肚湯都煮得入味、涼拌青瓜、雲耳就普普通通;
8) 湯底：我地揀左冬瓜瑤柱鍋，因為主要係食海鮮，所以揀個清清地既湯底去食返海鮮既鮮味，冬瓜瑤柱鍋有簡單既冬瓜同瑤柱，味道清甜;
9) 配料：鴕鳥肉新鮮肉質夠淋、竹笙爽口、大魚頭好滑、脆鯇片爽脆、鱔片夠薄又滑身、粟米清甜、油麥菜新鮮、響鈴食落去係好勁既油益味好難食，蝦滑同墨魚滑都唔夠彈牙;
10) 甜品：雀巢牌的雲尼拿味雪糕同熱紅豆沙;
11) 飲品：選擇比較少，大部份都係紙包飲品，想要最普通既可口可樂都無。
總括而言：
環境方面，地方大、座位多、光線充足、檯與檯之間有空間，坐得都好舒服。
服務方面，酒樓大部份侍應都好親切，係有個阿姐脾氣差啲，我見佢好惡咁對隔離檯既人。
食物方面，食物種類都算多，整體味道大致上唔錯，最好味係碟極級牛頸脊。
價錢方面，星期五既關係，埋單每位約$360，如果比較細食，我認為用呢個價錢可以有更好既選擇，不過呢度無時間限制，朋友聚舊傾計黎講都係一個好地方。
張貼
