大勝丼 (已結業)

丼既價錢實惠，刺身好新鮮。仲要冇限用餐時間，非常好。地方簡樸，平實設計。記得要book位先😉。 甘蝦海膽丼（$148）海膽份量好多😍😍😍都有成半板海膽，色澤鮮潤，口感creamy鮮甜。甘蝦都係鮮又唔腥，有成5大隻添，再加三文魚籽，真係好滿足呀！北海道魚生爆丼（$178）睇餐牌已經感覺好豐富。上枱見到真係好多唔同款既刺身：海膽、帆立貝、三文魚、甜蝦、鯖魚、吞拿魚、油甘魚、三文魚籽及甜蛋，刺身新鮮唔薄，醋飯仲加了芝麻同紫菜。全部套餐包湯，野飲及甜品，湯同飯可以無限添。