影片
更多
6天前
0 瀏覽
新鮮生猛海鮮放題今日終於輪到我BOOK到開業以黎都超級難BOOK既高質新鮮海鮮放題，一入到去發現好幾個大海鮮池，坐到埋位首先揀左湯底先，食海鮮🦞當然要揀d冇咁濃味既湯底，所以就叫左（海鮮濃湯鍋），揀完湯底就出去海鮮池揀海鮮，海鮮池好大，有鮑魚/三點蟹/大頭蝦/草蝦/九節蝦/沙白/白蜆/花甲，仲要係無限任食，香港真係冇邊間放題做到，除左鮑魚會有專人清洗外，其他都係現撈現自己煮。每隻撈上黎都仲係紥紥跳。鮑魚交俾專人清潔期間，我地就掃code揀下d熟食，老婆就出去自助區拎醬料同其他食物🥘。估唔到醬料竟然有20幾款選擇😋正常醬就唔介紹，有幾款醬好特別（芝麻蒜香醬/烤脆蒜油醬/炭燒蔥油醬）湯底話咁快到左，海鮮🦞都洗好了，有晒教學每款海鮮煮既時間，唔怕煮過龍，新解即撈海鮮真係唔同d，咩醬都唔駛都好好食，大頭蝦隻隻都有膏，三點蟹好鮮甜，都有d膏，其他海鮮都不斷可以追加，無限食。食完海鮮就食熟食鵝肝多士：塊鵝肝成吋厚，又大塊，煎到金黃香脆，入口即溶。羊架：肥瘦均勻，有羊味又唔會太騷。烤榴槤：食左差唔多7舊，好香甜，又軟糯。黑糖麻薯：每次必食，新鮮炸起，外脆內軟，一咬落去黑糖醬爆晒出黎，要好小心食。芝麻
今日終於輪到我BOOK到開業以黎都超級難BOOK既高質新鮮海鮮放題，一入到去發現好幾個大海鮮池，坐到埋位首先揀左湯底先，食海鮮🦞當然要揀d冇咁濃味既湯底，所以就叫左（海鮮濃湯鍋），揀完湯底就出去海鮮池揀海鮮，海鮮池好大，有鮑魚/三點蟹/大頭蝦/草蝦/九節蝦/沙白/白蜆/花甲，仲要係無限任食，香港真係冇邊間放題做到，除左鮑魚會有專人清洗外，其他都係現撈現自己煮。每隻撈上黎都仲係紥紥跳。
鮑魚交俾專人清潔期間，我地就掃code揀下d熟食，老婆就出去自助區拎醬料同其他食物🥘。
估唔到醬料竟然有20幾款選擇😋正常醬就唔介紹，有幾款醬好特別（芝麻蒜香醬/烤脆蒜油醬/炭燒蔥油醬）
湯底話咁快到左，海鮮🦞都洗好了，有晒教學每款海鮮煮既時間，唔怕煮過龍，新解即撈海鮮真係唔同d，咩醬都唔駛都好好食，大頭蝦隻隻都有膏，三點蟹好鮮甜，都有d膏，其他海鮮都不斷可以追加，無限食。
食完海鮮就食熟食鵝肝多士：塊鵝肝成吋厚，又大塊，煎到金黃香脆，入口即溶。
羊架：肥瘦均勻，有羊味又唔會太騷。
烤榴槤：食左差唔多7舊，好香甜，又軟糯。
黑糖麻薯：每次必食，新鮮炸起，外脆內軟，一咬落去黑糖醬爆晒出黎，要好小心食。
芝麻雞翼：又係必食，即叫即炸。
飲品方面有幾十款選擇，又有清酒，椰青水，自泡茶，
甜品方面有我最愛既榴槤布甸🍮，牛奶布甸，楊枝甘露，仲有大福，巴斯克蛋糕🍰，10幾款選擇。
最後點少得甜品雪糕，剩係有得食哈根大/movepick依2大牌子都值回票價。
總結：香港真係好少有即撈即煮新鮮海鮮，仲要有咁多選擇，下次要再帶屋企人再黎。
#海鮮#任食#放題#九龍灣#foodie#hkfoodie#美食
張貼
