影片
更多
2023-05-04
56 瀏覽
搵我嘅客人，主力都係睇風水同占卜問事問姻緣，今次嘅客人令妹妹比較特別，一開波係問手機號碼點揀好? 原來佢公司想話出部手機俾令令妹妹方便聯絡，有三組號碼選擇，但又唔知點揀選，於是約我食飯請教於我.我出差銅鑼灣，The Grill Room 係幫襯過質素唔錯又係聚會好地方，而且都有段時間無上去幫襯，懷念佢地嘅超正豬腩肉，於是訂枱幫襯.令令妹妹問我識唔識用 sevenrooms，好似話有優惠，但我唔識用，sorry...., 都係由佢訂枱. 今次幫襯，最愛豬腩肉沽清! 結果轉為點無骨豬扒，另外令令妹妹點咗份燒安格斯西冷配黑菘露薯蓉，亦都點咗兩客忌廉粟米湯.忌廉粟米湯用新鮮粟米打成，點解一飲就知道原因係飲罐頭湯多年喇，新鮮粟米多一分清甜味，同罐頭湯嘅味有好大分別，好奇怪隱隱約約有南瓜味㖭!無骨豬扒外相白雪雪似魚肉，口感好特別完全唔似豬肉口感似少少彈牙嘅魚蓉，肉質鮮嫩入味，係一塊難忘嘅豬扒.安格斯西冷牛肉味濃，試咗少少，可能點5成熟，令肉味更濃，大大塊西冷份量不少，只係把刀唔多夠利，要出力D切，薯蓉配上黑菘露惹味.擇吉日吉時同揀電話號碼一樣，經常就得哩樣又就唔到果樣，今次俾完意見之後，要另外再幫
我出差銅鑼灣，The Grill Room 係幫襯過質素唔錯又係聚會好地方，而且都有段時間無上去幫襯，懷念佢地嘅超正豬腩肉，於是訂枱幫襯.
令令妹妹問我識唔識用 sevenrooms，好似話有優惠，但我唔識用，sorry...., 都係由佢訂枱.
今次幫襯，最愛豬腩肉沽清! 結果轉為點無骨豬扒，另外令令妹妹點咗份燒安格斯西冷配黑菘露薯蓉，亦都點咗兩客忌廉粟米湯.
忌廉粟米湯用新鮮粟米打成，點解一飲就知道原因係飲罐頭湯多年喇，新鮮粟米多一分清甜味，同罐頭湯嘅味有好大分別，好奇怪隱隱約約有南瓜味㖭!
無骨豬扒外相白雪雪似魚肉，口感好特別完全唔似豬肉口感似少少彈牙嘅魚蓉，肉質鮮嫩入味，係一塊難忘嘅豬扒.
安格斯西冷牛肉味濃，試咗少少，可能點5成熟，令肉味更濃，大大塊西冷份量不少，只係把刀唔多夠利，要出力D切，薯蓉配上黑菘露惹味.
擇吉日吉時同揀電話號碼一樣，經常就得哩樣又就唔到果樣，今次俾完意見之後，要另外再幫令令妹妹揀個電話號碼，因為連佢私人號碼都一般般，有時間經過D電訊公司會走入去睇吓D號碼令唔令!
張貼
