Spade by Lassana (已結業)

星期日行過油塘，見到ｅ間餐廳排晒隊，原來係排隊high tea,由於我係得一個人，無福氣食啦！！！但係就見到佢有個焦糖芝士蛋糕，就外賣買個試下啦！個店員好有禮貌，提醒我如果太耐，要雪一雪佢，等佢硬返ｄ會好食ｄ！返到去後，見到佢個木盒都幾靚，好有心思！開左之後，第一啖試下ｄ蛋糕，真係好香好香芝士味，鐘意芝士既朋友真係唔好錯過，再加上面頭焦糖，雖然有少少苦，但係都幾夾，咁既價錢絕對係抵呀！而且份量都唔細，四個人食都可以，經過既朋友可以試下！