CHIMAC (大埔超級城) (已結業)

難得有長假期輕鬆下，當然要煲劇啦，而煲劇不可或缺的是 炸雞🍗 ！出去食炸雞好少會有好多味道選擇，所我我去咗 Chimac 外賣返屋企，佢哋嘅炸雞有不同口味同套餐選擇。點咗 韓式炸雞套餐 + 韓式主食 。 韓式炸雞套餐 有10種口味選擇，亦可以揀炸雞髀肉定有骨炸雞，我揀咗半半炸雞脾肉（原味 + 水原式牛肋骨醬），真係炸到勁脆，內裏仲好juicy，而且肉質幾嫩。推介 水原式牛肋骨醬 ，又香又脆，甜甜地又惹味，好好味！韓式主食 - 我揀咗 香蔥豬扒飯 ，豬扒煎得外脆內軟，配菜有大量甘筍和翠肉瓜絲，以及太陽蛋。兩個餐都送酸蘿蔔同飲品，食到好飽。下次想試埋蔥蒜醬油炸雞！