影片
更多
2016-06-19
521 瀏覽
今日收工約左朋友去愉景新城行街買野，順便聚一聚食下飯吹下水。當苦惱緊去打邊爐定食日本野既時候，俾一間以熊仔做主題既餐廳吸引住，睇埋個餐牌見價錢合理，所以決定一試。因為我地一行4人，2人套餐唔係咁岩我地，所以都係決定單點加$20配餐湯，牛油多士同凍熱飲品。餐湯係番茄味濃既蔬菜湯，唔會太酸，而且仲好足料，配埋烘到脆卜卜既牛油法包，又另一番滋味，唔錯。跟餐既凍熱咖啡同檸茶，咖啡味好香，檸茶唔澀，沖得幾有水準芝士焗蜜桃豬扒飯：同一般蕃茄焗豬扒飯唔同既係佢用蜜桃黎配豬扒，蜜桃比蕃茄香甜，更好味，豬扒好鬆軟，配埋有拉絲效果既芝士，更增添咸香味，賣相亦好吸引，雖然焗飯唔係炒飯底，但幸好佢好多蕃茄醬汁，足夠伴白飯食，酸甜適中，連小朋友都岩食。北海道帶子明太子燴意粉：賣相唔錯，材料十足，除了面頭大大粒既帶子外，仲有鮮甜既元貝，配埋３款唔同口味既魚子，味道岩岩好唔會過鹹，更添口感層次，意粉煮到軟硬適中，配埋香濃而不膩既醬汁，真係食到停唔到口，個人覺得係4款食物中做得最為出色既一道醬烤小羊膝配羊汁薯蓉：個人唔太鐘意食羊，因為太羶，而呢度既小羊膝正正係羶到不得了，連醬汁都有羶味，我食左一啖就頂唔順，不過朋友就
因為我地一行4人，2人套餐唔係咁岩我地，所以都係決定單點加$20配餐湯，牛油多士同凍熱飲品。餐湯係番茄味濃既蔬菜湯，唔會太酸，而且仲好足料，配埋烘到脆卜卜既牛油法包，又另一番滋味，唔錯。
跟餐既凍熱咖啡同檸茶，咖啡味好香，檸茶唔澀，沖得幾有水準
芝士焗蜜桃豬扒飯：同一般蕃茄焗豬扒飯唔同既係佢用蜜桃黎配豬扒，蜜桃比蕃茄香甜，更好味，豬扒好鬆軟，配埋有拉絲效果既芝士，更增添咸香味，賣相亦好吸引，雖然焗飯唔係炒飯底，但幸好佢好多蕃茄醬汁，足夠伴白飯食，酸甜適中，連小朋友都岩食。
北海道帶子明太子燴意粉：賣相唔錯，材料十足，除了面頭大大粒既帶子外，仲有鮮甜既元貝，配埋３款唔同口味既魚子，味道岩岩好唔會過鹹，更添口感層次，意粉煮到軟硬適中，配埋香濃而不膩既醬汁，真係食到停唔到口，個人覺得係4款食物中做得最為出色既一道
醬烤小羊膝配羊汁薯蓉：個人唔太鐘意食羊，因為太羶，而呢度既小羊膝正正係羶到不得了，連醬汁都有羶味，我食左一啖就頂唔順，不過朋友就好鐘意，佢話食羊愈羶愈好味，而且呢度既羊膝肉質煮到好軟腍嫩滑，所以鐘意食羶味濃既人可以試一試，個人就唔識欣賞。
石板燒安格斯西冷伴蘑菇：份量好多，一落醬汁係石板上發出咋咋聲，睇見都好吸引。可惜既係我叫左5成熟，但一切開變左7,8成熟，有Ｄ失望，不過肉質唔會太靱，帶少許油脂同筋，食落有油香味而有嚼勁，而且雖然燒到7,8成熟，但仲保存到少許肉汁 ，都唔錯。另配既薯條，可能有石板熱住，仲係熱辣辣脆口。
張貼
