影片
更多
2011-04-26
13 瀏覽
前日(24-4-2011 Sun)朝同男友起身,佢返工前陪佢食o野,問佢想去邊o度食?佢話落荃灣,啊好吖.落到荃灣都要搵o野食,行o黎呢頭有好多間我o地都未食過,但由於未夠11:00am,又唔係間間都ready好,我o地見呢間好似ready,o係外面睇餐牌,見佢將東南亞菜,改為配拉麵同烏冬,我自己就覺得不倫不類,不過男友覺得有趣,於是同佢食啦.入到去,老闆係咁詳細介紹佢o既o野食,提醒我o地拉麵 / 烏冬套餐要o係午市至有一碟碟o既菜送,朝早冇,不過都叫廚房放啲菜o係我o地碗烏冬o度.我揀o左$28.00o既東瀛排骨烏冬,飲凍蜂蜜綠茶,男友要$30.00o既喇沙烏冬,飲凍金桔汁.再加一個皮蛋凍豆腐小食.等o左一陣,兩杯o野飲到o黎,我o既凍蜂蜜綠茶冇乜冰,唔凍,味道有點點苦,但又冇乜綠茶味;男友o個杯凍金桔汁夠冰.於是男友幫我問老闆加返啲冰,佢都好樂意加,重問我甜唔甜得滯?因為佢加好多蜂蜜,我答o岩喇.加o左冰返o黎,味道就好啲喇.然後我o既東瀛排骨烏冬,有四件深色o既排骨,菜都幾多,排骨上o既調味料味濃郁,其實都係台式排骨,烏冬夠滑但唔算彈牙,不過唔係過腍就得啦.而男友o既喇沙烏冬有
落到荃灣都要搵o野食,行o黎呢頭有好多間我o地都未食過,但由於未夠11:00am,又唔係間間都ready好,我o地見呢間好似ready,o係外面睇餐牌,見佢將東南亞菜,改為配拉麵同烏冬,我自己就覺得不倫不類,不過男友覺得有趣,於是同佢食啦.
入到去,老闆係咁詳細介紹佢o既o野食,提醒我o地拉麵 / 烏冬套餐要o係午市至有一碟碟o既菜送,朝早冇,不過都叫廚房放啲菜o係我o地碗烏冬o度.
我揀o左$28.00o既東瀛排骨烏冬,飲凍蜂蜜綠茶,男友要$30.00o既喇沙烏冬,飲凍金桔汁.再加一個皮蛋凍豆腐小食.
等o左一陣,兩杯o野飲到o黎,我o既凍蜂蜜綠茶冇乜冰,唔凍,味道有點點苦,但又冇乜綠茶味;男友o個杯凍金桔汁夠冰.於是男友幫我問老闆加返啲冰,佢都好樂意加,重問我甜唔甜得滯?因為佢加好多蜂蜜,我答o岩喇.
加o左冰返o黎,味道就好啲喇.
然後我o既東瀛排骨烏冬,有四件深色o既排骨,菜都幾多,排骨上o既調味料味濃郁,其實都係台式排骨,烏冬夠滑但唔算彈牙,不過唔係過腍就得啦.
而男友o既喇沙烏冬有煎過o既魚片,蟹柳同好多豆泡,我冇乜點試佢o既,亦冇問佢o地comment.
之後係皮蛋凍豆腐,兩件豆腐上淋o左甜甜o既汁同豬肉鬆,豆腐真係好凍,皮蛋味道濃郁,有返我細個時唔鍾意食皮蛋o既味道,就係有啲壓味.
服務:
老闆除o左熱情介紹佢o既食物外,重對另一個婆婆好好,因為個婆婆只係食一個撈麵冇o野飲,佢埋單時老闆主動問佢要唔要飲水,就畀o左杯水佢,真係好好.
環境:
雖然係一間細舖,但坐得舒適.
價錢:
o衣o家寫返至記起,原來老闆漏o左收我o地皮蛋凍豆腐o既錢.
其實味道分係3.5分.
張貼