What's Dogs (已結業)

聽聞附近有間熱狗店有“凍狗”。凍狗原來係中間個餡料唔同，唔用腸仔，而係用3.6牛乳雪糕，有好多唔同配料同醬揀，而我就揀左焦糖爆谷+$4同粟米片+$3焦糖醬+$2(total$32)。凍狗既麵包部分非常脆口，用左蜜糖烘過配上雪糕好新奇，但味道無乜特別除左凍狗，我地仲食左正常既熱狗餐--紐倫堡腸配香草芝士蛋黃醬$37加野飲，另加香烤菠蘿+$5。比起凍狗，我更加鍾意熱狗，蛋黃醬好香蛋黃味，但芝士味就爭d，配上酸酸甜甜既菠蘿。建議配菠蘿，好夾好好味跟餐再加左$15要個忌廉焗薯，忌廉配焗薯好正，可以直接拮黎食，好方便，我同個fd都超like！ 可以encore！同時，我地重食左個迷你芝士牛肉醬熱狗$25，細細個好得意，麵包烘得好脆，但真係好迷你😂作為小食就唔錯。