民豐粉麵行

營業中

休息中

民豐韭菜餡餅係豬小姐去開荃灣嘅必食小吃！次次尼親都要排隊架 人頭湧湧 店鋪賣嘅食品種類好多 例如有即煎熟食 粉麵 茶粿 湯圓 仲有出名好食嘅水餃同糯米滋 而即煎韭菜餡餅直頭係神級小吃煎起嘅韭菜餡餅大大個 拎上手勁熱呀 即時變左食得又用得嘅暖手蛋 咬左一啖 香氣逼哂出尼 燶燶地嘅餅皮煙韌充滿油香 完全做到外脆內軟嘅效果 韭菜充足 切得唔算碎 好爽脆 加上香口豬肉 餡已爆 口感豐富有層次 好滿足呀 yummy不過豬先生覺得餡餅油左啲 好肥 不過豬小姐就覺得咁先煎得出咁香脆咁美味嘅韭菜餡餅 要食就係要付出代價正所謂一分錢一分貨 係民豐用咁嘅價錢絕對買到食物質素 但唔好期望買到服務態度