校長燒肉日韓料理 (已搬遷) 新店位置

呢日同朋友一行四人嚟食燒肉放題，原來除左燒肉之外，仲有唔少前菜同熟食，甚至有刺身、長腳蟹同生蠔！首先吸引我嘅係人參雞湯，吸引我嘅原因係 ，經驗話俾我知，如果哩類燒肉放題熱食都唔錯的話，其他食品都唔會差得去邊。我自己好熱，以為人參湯又好熱，點知唔係想像中咁熱喎，相信餐廳都明白太熱嘅湯會令客人辛苦，真窩心。人參湯淆到d雞骨冧哂，唔錯。黑椒雞扒，醃得很入味，大大塊，其實食完1塊都飽左半個肚。蝦，就很新鮮，有手掌心咁大，食落口很結實，食多幾隻已經可以回本。蒜蓉牛油金菇，會用一個細細的錫紙兜裝住，很細心，一邊燒肉一邊燒金菇，完全不會浪費空間。因為食太多肉，會太漏了，所以我會在沙律吧拎定生菜，自製生菜包，用生菜夾豬扒加埋適量沙律醬一起吃簡直食唔停口。