川燒 (已結業)

尋晚老婆大人睇完電視啲飲食節目，今日就話好想食串燒。好啦，橫掂都好耐無食串燒了。今晚黎呢間川燒位於佐敦文英街，老婆大人就話點解好似熟口熟面，我答佢「梗係啦，隔離咪油麻地狗公園囉，你早兩日先黎過」整張MENU睇下先都好多選擇喎都係揀左野飲先，食串燒最好叫枝啤酒飲下，無咁熱氣吖嗎最後叫左呢支KONA BIG WAVE，啤酒味唔算太重，平時唔多飲酒都可以一試。先黎季節限定嘅--冰鎮芥蘭勁芥蘭一啲都唔苦喎，加上天時暑熱，整個涼伴前菜真係可以開開胃口。川香海蜇伴青瓜--細個成日叫海蜇做橡筋，就係鍾意啲「橡筋」夠煙韌再配上爽口青瓜，又一醒胃之選。燒鮮蝦膠腐皮卷--外層燒得很脆，內裡蝦膠很滑且香。燒特級牛舌心--牛舌都是屬於較稀少的部分，所以我會慢慢品嚐，肉質夠嫩，牛味十足。特別推介--蟶子王SIZE相當大，不愧蟶子王之名肉質爽口彈牙，味道鮮甜，只想一吃再吃。呢款燒日本廣島蠔，雖然並非十分肥美，但蠔味非常濃，而且也沒有燒得很乾，內裡仍然保留著水份。燒芝麻湯圓我第一次食，平日食芝麻湯圓糖水時，成日比啲湯沖走了芝麻。但燒湯圓就唔會了，芝麻燒過後更香，外皮則相當煙韌，作為甜品夠晒滿足。