陶源中菜

營業中

休息中

唔計酒店中菜廳，將軍澳區名氣最響的港式粵菜酒家都應該算係【陶源中菜】。早陣子見到團購特價，買了一張堂食片皮鴨卷，原來差不多到期，提前訂枱今晚享用。位於康城 Lohas商場4樓盡頭，旁邊又有另外一間餐廳，將【陶源】的入口更加往內推。如果轉角位置不是有個招牌，真的有點困難才能找到餐廳入口。定位較為摩登的廣東酒家，雖然唔係走西式裝修風格，仍然傳統港式酒樓的裝潢較為典雅；近大門位置又設置了一個紅酒櫃，提升氣派。只不過，一打開餐牌，就知道一齊還原基本 …… 餐牌設計及菜式沒有什麼特色，同一間普通港式廣東酒樓沒有分別。特價京式片皮鴨一隻（$128）當然沒有席前起片服務；份量亦只有一碟，並且未能鋪滿碟底，同正宗京菜館啲片皮鴨比較，明顯係迷你版。配料方面只有京蔥白及青瓜條，選擇亦較少。至於主角片皮鴨，鴨皮唔夠趣、沒有脂肪、欠缺油香；鴨肉雖然唔粗鞋，但欠肉汁。唯一可取之處，就是超級抵食。一隻特價片皮鴨當然唔夠食，小女兒追加一隻至愛的秘製皇子鴿（$68），其實即係炸乳鴿。雖然賣相麻麻，顏色唔夠金黃；但小女兒話非常好味道，皮脆肉嫩多汁。吃了兩道燒味菜式，還要追加第三道炭燒西班牙黑豚腩叉（$168），皆因餐牌