韓國錦城飯店 (已搬遷) 新店位置

入鋪頭見到有好幾枱韓國人幫襯，加上 D 店員係韓國人，令我覺得佢應該正宗，唔會好似任食個 D 甘求其~ 八個前菜：味道一般，沒有驚喜~燒烤方面：牛肉：最好味！一 D 都唔 un，又野味又鮮味！牛肋骨：燒完無牛肉甘香，但較牛肉厚身，有口感！羊肉：唔騒，好似差甘 D 羊肉味，有些 un 和渣~蝦：彈牙，但唔夠鮮蝦味，可能唔醃來燒會更好！石頭飯：店員幫手即場加醬料撈埋，熱辣辣，好味！飯粒軟度適中之餘又有飯焦，口感好好呢！一瓶天菊韓國酒：酸左 D ，唔係好適合用來配搭燒烤~一瓶真露加青瓜：清香，易入口，啱晒配合食韓國菜！(真露加青瓜會好飲過加檸檬，大家食韓國菜時可以試下)總括黎講：食物有水準！但有 D 肉切得較碎，好難燒~ 另外，如果唔醃黎燒都會好食，更能食到 D 肉本身既鮮味！不過，每碟份量唔多，都幾貴！