焼肉スマイル (燒肉smile)

今日我哋下晝去咗食燒肉，揀咗呢間性價比之選，$199一位 90mins真係要推介呢間嚟自台灣嘅燒肉 Smile！話說佢係台灣年銷120萬份嘅超人氣店，仲要喺2022年攞咗網路人氣第一名添。今次試咗$199嘅嚴選套餐，講真呢個價位喺而家嚟講真係抵食。未食肉之前，一定要讚下佢嘅沙律自助吧！特別係柚子蘿蔔，爽口開胃，柚子香清新提神，配搭得啱啱好。自助吧仲有唔少肉類可以自己揀，方便又快捷。講到重頭戲嘅肉類，真係諗起都流口水！😋 美國板腱牛排有三個味出選擇：薄鹽蒜香、醬燒同韓辣。個人最鍾意薄鹽蒜香，蒜香夠香但唔會蓋過牛肉本身嘅味道，肉質嫩滑多汁，唔會死韌。薄切嘅牛肉就更加入味，特別係配埋麻油嗰款，香噴噴！韓辣味嘅牛角切都值得一讚，辣味夠曬韓式風味，又唔會辣到上頭，啱晒香港人口味。手切松坂豚就肥瘦適中，燒到啱啱好嘅話，肥肉位會化喺口裡面，香而唔漏，正！海鮮類嘅極鮮鱸魚同白蝦都新鮮。鱸魚肉質結實，白蝦夠爽彈，配埋特製醬汁就啱啱好食。總結嚟講，燒肉 Smile 絕對值得一試！食物質素有水準，價錢又夠抵食，最重要係肉類選擇夠多元化，$199啲肉都咁靚🥰