新沙洞大排檔 (大政街)

營業中

休息中

呢間餐廳聽就聽得多，但係因為喺大角咀唔係太就腳，所以一直都冇去嘗試今日屋企人提議去呢間試吓，咁就去睇吓佢咩料啦😂😂話說我哋叫咗個燒鰻魚，我覺得呢個真係非常之好食。因為其實我本身唔係太食鰻魚，但係因為去韓國旅行嘅時候試過一次燒鰻魚覺得非常之好食，所以今次都想喺呢間餐廳試吓。嚟到之後我發現其實佢個味道係非常之貼近我喺韓國食到嘅燒鰻魚，都係一樣非常之爽口，真係唔錯。之後我哋嗌咗個炸蝦飯卷，其實都OK嘅，而且份量都唔細，但係因為佢有紫蘇葉，所以我就麻麻哋跟住個韓式牛肉炒粉絲就同平時食開嗰啲唔同，因為我哋平時食開嗰啲係牛肉絲，而佢呢度係一大片牛肉。咁我覺得佢係足料嘅，比牛肉係冇手軟，但係屋企人反而覺得咁樣一大片好似唔係太地道。另外再嗌咗個海鮮蔥餅，呢個我哋就真係一致覺得唔係太好食，因為佢嘅粉好多。個韓式冷麵就不過不失啦，始終冇韓國食到嘅咁好食。整體而言就一般啦，因為冇理由為咗個燒鰻魚走去食嘅。但係佢裝修同氣氛都唔錯，真係有大排檔feel 。