阿爺燒鵝餐室 (已結業)

朋友話今日要帶我去食好西 佢推介我食呢間燒鵝脾 咁就一於去食佢嘅招牌菜啦門口一望入去掛滿左各式各樣嘅燒味分別有燒鵝 叉燒 腩仔等等 望落十分之吸引坐低左之後我朋友極力推介我食燒鵝髀 咁就聽佢講喇 叫左個燒鵝髀湯瀨 同埋燒鵝雙拼河粉燒鵝髀湯瀨 燒鵝髀皮脆肉嫩 油脂分布得十分平均 食落去齒頰留香 點埋啲汁食落去酸酸甜甜 令到個肉味更加出而個湯瀨粉都幾彈牙 啲鵝油汁滴左落碗湯面為要碗麵加添左更多嘅鵝香味 朋友叫咗個燒鵝拼腩仔河粉燒鵝已經咁正喇 估唔到腩仔都唔差喎🤤芝麻皮卜卜脆 咬落去勁脆口仲有好清脆嘅聲音 而且好鬆化 啲肉同埋脂肪嘅分布比例啱啱好 就同五花腩嘅黃金比例一樣 個湯河粉比較索湯汁 就可以完美咁樣索晒啲肉汁啦👍🏻