影片
更多
2005-03-01
3 瀏覽
同舊老細以及兩位舊同事補食新年飯，由於舊老細o既朋友大力推薦呢度，就即管黎一試。其實呢度o既訂檯時間非常不便，得6:30同8:30兩個時段，好似一D私房菜咁，但其實都係普通飯店的叫菜模式，真係唔明點解要有此安排。6:30黎到，個場當然係非常之咁「吉」啦，要到近8點至開始多人─香港人邊有咁早收工食晚飯呀？不過由於佢唔係滿晒，所以我地坐過8:30都冇趕，服務生o既態度亦謙恭有禮，都幾適合談天說地。四個人都叫左唔少野，由於我最遲到，叫菜由舊老細發板，所以菜名係估估下。共叫左：西洋菜湯、招牌燻雞、五柳魚、苦盡甘來﹝即涼瓜鹹蛋黃炒肉鬆﹞、紅炆海參、珍珠雞﹝老細朋友強力推薦，話一人一件會唔夠食咁話﹞同上湯浸芥蘭。個西洋菜湯係一盅盅咁上o既，煮得好「溶」，好清甜。招牌菜o既燻雞上檯賣相已經好靚，皮光肉滑，再加左兩片玫瑰花瓣，算係有D造型。燻雞皮入口微脆，充滿茶香，雞肉亦算嫩滑，不愧係招牌菜。五柳魚D汁多到好似湯浸咁，個人而言就比較鍾意汁同魚o既比例平衡番D，而且太多汁令到魚的表面好快就唔脆。唔知用ｏ既係咩魚，略有腥味，結果大家都冇食皮。個五柳汁味道都可以，而且唔會太厚獻，酸酸甜甜，幾開胃的。個涼瓜鹹
四個人都叫左唔少野，由於我最遲到，叫菜由舊老細發板，所以菜名係估估下。共叫左：西洋菜湯、招牌燻雞、五柳魚、苦盡甘來﹝即涼瓜鹹蛋黃炒肉鬆﹞、紅炆海參、珍珠雞﹝老細朋友強力推薦，話一人一件會唔夠食咁話﹞同上湯浸芥蘭。
個西洋菜湯係一盅盅咁上o既，煮得好「溶」，好清甜。招牌菜o既燻雞上檯賣相已經好靚，皮光肉滑，再加左兩片玫瑰花瓣，算係有D造型。燻雞皮入口微脆，充滿茶香，雞肉亦算嫩滑，不愧係招牌菜。五柳魚D汁多到好似湯浸咁，個人而言就比較鍾意汁同魚o既比例平衡番D，而且太多汁令到魚的表面好快就唔脆。唔知用ｏ既係咩魚，略有腥味，結果大家都冇食皮。個五柳汁味道都可以，而且唔會太厚獻，酸酸甜甜，幾開胃的。個涼瓜鹹蛋黃炒肉鬆都幾好味，鹹蛋黃ｏ既香味同苦瓜ｏ既甘味非常搭調，係唔錯的一味家常菜。個紅炆海參都幾夠火侯，炆得好腍好入味，舊老細讚不絕口，我就覺得可以再好D。珍珠雞都叫好食，不過冇咩特別囉。上湯浸芥蘭﹝我估係上湯浸咋﹞有蒜子同瑤柱，清清淡淡，菜亦甘爽，唔錯。
食到呢度，其實已經好飽，不過大家久未見面，傾傾講講，唔叫甜品好似少左D野咁，所以都叫左兩盅參鬚元肉糖水同一份三件o既煎馬蹄糕。個糖水真係好有參味，幾好。馬蹄糕煎得略油，但面脆脆的，食落都唔錯。
整體黎講，呢度o既食物水準都唔錯，環境亦幾企理，服務亦唔錯。不過上菜速度實在太快，張檯簡直放唔落，菜未食到一半都已經凍晒啦，呢一點要改善一下。以我地叫o既份量計，價錢都唔貴。味道果4分係俾個燻雞o既，其他食物係3分水準啦。
張貼