Hungry Lobster (已結業)

登龍街有咁多好野食，晚餐時間就揀左黎呢度食啦🙂龍蝦包用左類似排包咁嘅麵包，食起黎甜甜地，再加上牛油去烘😋外脆內軟麵包中間夾住大大舊嘅龍蝦肉😍都幾足料嫁😄一切開，仲有龍蝦汁流出黎！十分邪惡呀🙈龍蝦經已去殻，食起黎都好方便！蝦肉都幾有彈性，咬落好有口感😊而且醬汁味濃，一食就覺得好惹味啦～旁邊仲有店內自製嘅檸檬牛油醬汁可以加落龍蝦包上進食，吾需要點好多汁已經可以特顯龍蝦嘅鮮甜😃酸酸地咁亦更加開胃卡邦尼意粉賣相都算係討好，醬汁嘅份量適中唔會太多或者係太少，偏稠身🍝意粉有咬口而且醬汁亦都能夠沾上每條意粉上😊加上炒好嘅煙肉粒同芝士作為調味，都幾香😀作為晚餐份量剛剛好