大都淮揚中菜 (已結業)

每年大閘蟹季節都要大拆一餐，今年揀咗呢間位於灣仔嘅大都淮揚，餐廳裝潢高雅有格調，環境寬敞，枱與枱之間間距寬闊，能夠保持社交距離之餘亦為食客留有一點私隱度。今日揀咗大閘蟹饗餐$498（另加服務費、茶芥）。套餐包括2皇1后，一共有3隻大閘蟹，侍應介紹蟹種選用鮮活 黃毛金爪，貨源有保證，今日呢隻蟹皇有成5両重，蟹后乸都有3両半，隻隻都爆曬膏，鮮黃色蟹膏味道濃厚香醇，細味齒頰留香，屬高質靚蟹。以呢個價錢食到咁高質嘅大閘蟹性價比相當高。雖然今日嘅主角係大閘蟹，但各款淮揚美食一啲都冇被比下去。其中呢味燈影魚片、冰宮肴肉，擺盤細緻，魚片絲薄透光，香脆美味，肴肉晶瑩光滑，肥而不膩。豆腐羹非常香滑，蟹粉小籠包皮薄餡靚，咬開湯湧出，鮮味四溢。原隻鮑魚蔥油拌麵，鮑魚非常入味，肉質充滿彈性。雪裏紅手剝蝦，蝦肉爽口彈牙，鮮度十足。薏米湯圓，薏米夠腍，湯圓柔軟香甜。仲有任飲陳年彫皇！呢餐夠曬豐富。今日埋單用左云閃付銀聯二維碼俾，消費淨額夠$500就送50蚊現金券，下次再嚟就可以了用啦。