影片
更多
2021-02-24
259 瀏覽
建議： 九龍香格里拉既Pop up 面包店既精選面包 買二送一 優惠只係做到 2月28日🏃🏼♀️🏃🏼♂️最近都幾多艾豬講緊既香格里拉 🥐，去到發現仲有買二送一 梗係要一試喇😌 原來BAKED BY SHANGRI-LA 係間Pop Up store (只係營業到4月30日)面包部位置唔難搵，係酒店正門既左邊側門，有幾個放面包既玻璃櫃😍黃昏時段去到仲有好多款，不過英式鬆餅已售罄🥲。店員話二送一優惠只限指定款式，包括：🥐(抹茶、士多啤梨、香蕉) 、棉花糖muffin 同 日式咖哩牛肉包。今次試左：🥐 抹茶(HK$30) + 士多啤梨(HK$30) +棉花糖 muffin (HK$25) = 折後HK$60 (差不多30%OFF)兩款🥐真係出乎意料之外，無諗過係甘多醬。切開既時侯 #試伏專員 真係「嘩」左出黎。平時對牛角包唔係太好，因為空氣感太重，有啲面包店既出品，食完直頭好油膩😅 香格里拉既🥐 食落會有實感之如，唔會太油。不過係糖漿會整到手笠黐黐，記得用張紙包住黎食。🍵抹茶：Cream 比想像多，每一啖咬落去都會食到。仲有啲抹茶特有苦澀味，絕對唔hea 😋🍓士多啤梨：估唔到Cream 入面
最近都幾多艾豬講緊既香格里拉 🥐，去到發現仲有買二送一 梗係要一試喇😌 原來BAKED BY SHANGRI-LA 係間Pop Up store (只係營業到4月30日)
面包部位置唔難搵，係酒店正門既左邊側門，有幾個放面包既玻璃櫃😍
黃昏時段去到仲有好多款，不過英式鬆餅已售罄🥲。店員話二送一優惠只限指定款式，包括：🥐(抹茶、士多啤梨、香蕉) 、棉花糖muffin 同 日式咖哩牛肉包。
今次試左：
🥐 抹茶(HK$30) + 士多啤梨(HK$30) +棉花糖 muffin (HK$25) = 折後HK$60 (差不多30%OFF)
兩款🥐真係出乎意料之外，無諗過係甘多醬。切開既時侯 #試伏專員 真係「嘩」左出黎。
平時對牛角包唔係太好，因為空氣感太重，有啲面包店既出品，食完直頭好油膩😅
香格里拉既🥐 食落會有實感之如，唔會太油。不過係糖漿會整到手笠黐黐，記得用張紙包住黎食。
🍵抹茶：Cream 比想像多，每一啖咬落去都會食到。仲有啲抹茶特有苦澀味，絕對唔hea 😋
🍓士多啤梨：估唔到Cream 入面有啲果肉，而且唔會特登加啲色素強調係士多啤梨👍 Cream 食落唔油膩，加埋啲果肉有啲咬口，但又唔會酸。
棉花糖muffin 口感幾濕潤，食落唔會太乾身。不過整體就無咩特別，味道偏甜。
張貼
