BB雞蛋仔

營業中

休息中

每星期坐巴士經過都好想落車去試下係柴灣既BB雞蛋仔，今日終於有機會啦，早兩個站落車專程去買個格仔餅試下，平時經過都幾多人等，好彩我到既時候冇乜人，所以等咗一陣就有得食啦。一上手感覺好有份量，好重手，格仔餅非常脆又唔硬，滿滿花生醬，沙糖，奶油，好好味，呢度除咗傳統雞蛋仔同格仔餅外，仲有其他口味，14款口味雪糕夾格仔餅，金莎格仔餅，而雞蛋仔都有多款口味，原味$16, 其他味道加多少少，下次要試下雞蛋仔先。