影片
更多
2024-09-27
402 瀏覽
呢間日式居酒屋好有特色，除咗裝修夠晒有feel之外，師傅仲會用爐端燒長板上菜，可以體驗一下正宗嘅日本居酒屋風味🤣！基本上只有兩款套餐，晚市價錢$468起就可以試到12道菜嘅席間料理，由前菜食到甜品，刺身、海鮮、串燒、天婦羅🍤乜都有，性價比超高！建議可以坐吧枱位置，師傅整完仲會用長板上菜，體驗感更佳🎎～------------------------------👨🏻🍳◖長阪12旬彩席間料理◗ $468 pp估唔到$500都唔使，就有得食廚師發辦，而且仲要係席前料理，菜單有12道菜式，性價比之選！🥗/前菜海膽豆腐｜磯煮鮑魚｜冬菇麵豉漬海膽豆腐口感軟滑帶鮮味；鮑魚口感彈牙；冬菇用赤麵豉醃漬，微辣偏鹹🐙/先付八爪魚象拔蚌撈入山葵汁，整體口感爽脆多層次，味道微酸，幾開胃🐟/刺身濱鯛魚片｜帆立貝海膽｜大size甜蝦刺身建議由淡味嘅鯛魚片食起，口感軟糯；帆立貝上面放上幾舊海膽，口感creamy特別鮮甜🪺/蒸物加入大大粒鵝肝入茶碗蒸，蒸蛋除咗鰹魚湯，仲食出鵝油嘅香氣，香氣較為有層次🥠/御造海鮮最中餅｜伊豆蛋捲平時最中餅都係甜品，今次裏面加入拖羅蓉、魚子同海膽，呢個鹹食嘅組合都幾夾，脆脆地好似食緊威化
------------------------------
👨🏻🍳◖長阪12旬彩席間料理◗ $468 pp
估唔到$500都唔使，就有得食廚師發辦，而且仲要係席前料理，菜單有12道菜式，性價比之選！
🥗/前菜海膽豆腐｜磯煮鮑魚｜冬菇麵豉漬
海膽豆腐口感軟滑帶鮮味；鮑魚口感彈牙；冬菇用赤麵豉醃漬，微辣偏鹹
🐙/先付八爪魚象拔蚌撈入山葵汁，整體口感爽脆多層次，味道微酸，幾開胃
🐟/刺身濱鯛魚片｜帆立貝海膽｜大size甜蝦
刺身建議由淡味嘅鯛魚片食起，口感軟糯；帆立貝上面放上幾舊海膽，口感creamy特別鮮甜
🪺/蒸物加入大大粒鵝肝入茶碗蒸，蒸蛋除咗鰹魚湯，仲食出鵝油嘅香氣，香氣較為有層次
🥠/御造海鮮最中餅｜伊豆蛋捲
平時最中餅都係甜品，今次裏面加入拖羅蓉、魚子同海膽，呢個鹹食嘅組合都幾夾，脆脆地好似食緊威化，然後裏面夾住鮮甜嘅吞拿魚蓉，幾特別！
🍢/味自慢燒物煙肉車厘茄｜免治雞肉丸｜蘆筍豚肉卷
串燒上枱仲熱辣辣，欣賞佢嘅免治雞肉丸🐓，塗滿醬汁拎去燒，食落特別香濃多汁！
🐟/時令燒魚銀鱈魚西京燒酒氣相對濃郁，都係用汁燒嘅方法，魚肉燒得啱啱好，魚油頗為突出，質感嫩滑彈牙
🍤/天婦羅秋葵｜沙咀魚
天婦羅薄粉酥脆，沙咀魚肉質軟綿，可以配合蘿蔔蓉同天婦羅汁，或者抹茶鹽一同食用
🦪/燒時令貝燒帆立貝
店員會即場刨上柚子皮，帆立貝嘅彈牙，加上柚子皮嘅清新，另有一番風味
🍲/湯、飯艋舺魚湯｜黑松露和牛炒飯
魚湯鮮甜，裏面有兩大隻大蜆；炒飯幾有驚喜，飯粒唔怕好乾身，仲有少少濕潤，充斥和牛同黑松露嘅香氣，好食！
🍨/甜品紅豆蕨餅｜朱古力香蕉卷蛋｜百香果梳打
蕨餅同卷蛋正常發揮，百香果梳打上枱前會加問一個泡泡🫧，食用之前先篤爆佢，咁樣影張相最靚～
🌟Encore指數：8.9/10
張貼
