麻辣風雲 (京都廣場) (已結業)

銅鑼灣呢間麻辣風雲係其他地方都有好多分店，銅鑼灣呢間裝修都好有中國特色，食物擺碟都係，好有心思，令人食都食得開心啲😙🥤菊花蜜 $48呢個菊花蜜一啲都唔簡單，上枱以酒壺裝住菊花蜜，用酒杯斟出黎飲，好有風味，菊花蜜好清甜，蜜糖唔會太甜，菊花味好濃，聞到陣陣清香，用黎解渴解辣都岩！🥩薑煸牛肉 $178牛肉片唔會好乾好柴皮，牛肉仍然好有咬口，薑絲蔥蒜辣椒仔炒到牛肉好香好惹味，食完都唔會太滯，香口好食！🐟酸菜魚 $268首先份量真係好多好誇張，3-4個人都夠食，滿滿既酸茶、花椒、辣椒令到湯底酸麻辣齊晒，仲配合得岩岩好，而且仲有啲菊花碎增加湯既清甜，好正宗🌼魚片好大塊，又滑又無骨，好鮮嫩，超好食！