影片
更多
2018-06-11
2082 瀏覽
係元朗行完街其實都好多食店可以選擇，而我地今次黎左翠園叫左個套餐貪方便，唔洗諗食咩，大包圍一渣橙汁，咁既份量分到5杯左右~琵琶豬，我覺得偏肥，但個皮好脆，一放入口厚滑既肥膏，厚簿適中既豬肉，零舍香口黑松露帶子西蘭花，個黑松露味唔算突出，蝦球唔係原隻蝦，係蝦膠黎既所以食落口既口感好滑，西蘭花亦唔會好淋花膠雞絲燕窩，好多料，岩岩好一人一豌冇多冇小，味道偏淡，花膠好彈牙呢個我地最中意呀~!炸鮮奶+沙律蝦，佢個炸鮮奶唔會好甜，外層炸到又香又脆，入面係好滑既鮮奶，正。而且沙律蝦夾埋D菜食一D都唔溜脆燒雞，真係脆，雞肉唔鞋，而且佢個皮唔會燒得好干，仲有小小肥膏，三重口感<3瑤柱甫，大大粒瑤柱，呢個送飯好鮑魚冬菇，原隻鮑魚，個玻璃汁整得好香夠結身沙巴花尾斑，魚肉好滑，不過唔算好大條，6個人食有小小細條呢個荷葉飯真係好香，但飯粒既色炒得唔太平均，所以一D有色一D冇色。但荷葉香氣十足，飯粒分明~配埋佢地呢個食小小都好夠辣味既辣油，味道更加出色甜點要叫先會上菜，呢方面係幾好既安排，但落單果陣冇人同我地講過，所以等左好耐先知要叫先起，呢點要留意喇~呢個芋頭西米露，芋頭好淋，好香，西米露真係食到一粒粒
叫左個套餐貪方便，唔洗諗食咩，大包圍
一渣橙汁，咁既份量分到5杯左右~
琵琶豬，我覺得偏肥，但個皮好脆，一放入口厚滑既肥膏，厚簿適中既豬肉，零舍香口
黑松露帶子西蘭花，個黑松露味唔算突出，蝦球唔係原隻蝦，係蝦膠黎既所以食落口既口感好滑，西蘭花亦唔會好淋
花膠雞絲燕窩，好多料，岩岩好一人一豌冇多冇小，味道偏淡，花膠好彈牙
呢個我地最中意呀~!炸鮮奶+沙律蝦，佢個炸鮮奶唔會好甜，外層炸到又香又脆，入面係好滑既鮮奶，正。而且沙律蝦夾埋D菜食一D都唔溜
脆燒雞，真係脆，雞肉唔鞋，而且佢個皮唔會燒得好干，仲有小小肥膏，三重口感<3
瑤柱甫，大大粒瑤柱，呢個送飯好
鮑魚冬菇，原隻鮑魚，個玻璃汁整得好香夠結身
沙巴花尾斑，魚肉好滑，不過唔算好大條，6個人食有小小細條
呢個荷葉飯真係好香，但飯粒既色炒得唔太平均，所以一D有色一D冇色。但荷葉香氣十足，飯粒分明~
配埋佢地呢個食小小都好夠辣味既辣油，味道更加出色
甜點要叫先會上菜，呢方面係幾好既安排，但落單果陣冇人同我地講過，所以等左好耐先知要叫先起，呢點要留意喇~呢個芋頭西米露，芋頭好淋，好香，西米露真係食到一粒粒，而且唔會甜，勁中意<3
呢個壽包有蛋黃，白蓮容係入面，勁多餡
最後要講返，我地呢個餐係唔洗俾茶水果D費用，但唔知點解，黎第一張單時收左我地呢個費用，之後冇耐又再黎多張單，價錢又唔同，問張信用卡去左邊又冇人答到，有小小亂，可能人手唔夠。咁當然最後係解決左既~所以對單真係好緊要嫁~!
但都想講返，員工既服務都幾好~
張貼
