影片
更多
2021-06-25
70 瀏覽
父親節當然要帶爸爸食餐好啦。而同長輩食，首選一定係中菜。招牌小籠包 $68每次食小籠包最驚就係未入口已爆汁。好彩呢到嘅小籠包皮薄得嚟唔易穿，一咬落去好多湯汁。忍唔住再叫多一籠。爆汁牛肉煎餅 $48呢一款係店員推介，估唔到真係有驚喜。表面煎到好香脆，入口濃濃嘅牛肉味。仲係爆汁嫁，所以記得唔好太熱放入口京滬酥香烤鴨（例） $368烤鴨需時比較耐，所以一坐低就即刻叫。例牌約有40片，加6種配料。京葱、醬油、青瓜、蒜蓉、砂糖、仲有一款係紅菜頭？家人鍾意嘗試新野， 6款配料夾埋一齊。口感非常豐富。而我就簡單一啲，醬油加青瓜。用鴨餅包住，青瓜嘅爽脆、醬油嘅鹹香、烤鴨香脆惹味。食到停唔到口。楊枝甘露伴雪糕 $48用冰鎮住上枱，保持冰凍。加上水晶珠，口感特別。如果可以大杯小小就完美啦。題外話，餐廳有一部份可以望住溜冰場。邊食邊欣賞人溜冰，別有一番風味。而鍾意寧靜嘅亦可同店員安排卡位。
招牌小籠包 $68
每次食小籠包最驚就係未入口已爆汁。
好彩呢到嘅小籠包皮薄得嚟唔易穿，一咬落去好多湯汁。忍唔住再叫多一籠。
爆汁牛肉煎餅 $48
呢一款係店員推介，估唔到真係有驚喜。
表面煎到好香脆，入口濃濃嘅牛肉味。仲係爆汁嫁，所以記得唔好太熱放入口
京滬酥香烤鴨（例） $368
烤鴨需時比較耐，所以一坐低就即刻叫。
例牌約有40片，加6種配料。
京葱、醬油、青瓜、蒜蓉、砂糖、仲有一款係紅菜頭？
家人鍾意嘗試新野， 6款配料夾埋一齊。口感非常豐富。
而我就簡單一啲，醬油加青瓜。用鴨餅包住，青瓜嘅爽脆、醬油嘅鹹香、烤鴨香脆惹味。食到停唔到口。
楊枝甘露伴雪糕 $48
用冰鎮住上枱，保持冰凍。加上水晶珠，口感特別。如果可以大杯小小就完美啦。
題外話，餐廳有一部份可以望住溜冰場。邊食邊欣賞人溜冰，別有一番風味。而鍾意寧靜嘅亦可同店員安排卡位。
張貼
