名館 (已結業)

今日朋友生日，食好啲就一定架啦，中菜除左大排檔之外，其實都仲有好多裝修好靚既中菜館今次就揀左名苑酒樓旗下既呢間名館，賀我老死牛一啊!!先上兩個湯一個清啲既鷓鴣湯另一個係濃味啲黑蒜螺頭湯，分量不大，開胃一流~緊接而來既就係朋友最期待既片皮鴨拉🤤 仲要係即！片！架望住師傅精湛既刀功，一塊接住一塊咁片出鴨肉再系碟度擺出靚靚圖案，成個show咁呢個片皮鴨肉香脆就不在話下配料都有特別~除左常見既京蔥同青瓜外，仲加左山楂條，清新解膩之餘食多幾舊都唔怕油阿再上就係個柚子蝦球大大隻蝦球驚過滾油既高溫洗禮後!!變得外脆內嫩~~再加上清甜既柚子醬中和左炸過既油膩，超正鰻魚炒飯好香口表面加左木魚片，日本風味出曬黎 入面配料都勁多！ yummy 🤤