影片
更多
2024-05-21
66 瀏覽
牛大人係我打邊爐嘅不二之選，鍾意佢食物飲品同埋湯底款式都夠多～最近仲要係夢王祭，推出咗多款夢王雞蛋嘅特色食品，首先可以選擇要糖心蛋/夢王生雞蛋，然後仲有小食三色鮮蔬夢王脆蛋、甜品有夢王布丁，蛋味濃郁入口即溶真係好正啊～首先湯底都有十款可以選擇，有辣有唔辣任君選擇，我就揀咗台式濃香蕃茄鍋，酸甜口味，非常開胃！每次必食之選包括有私房鴨血、真豬小香腸、手打旗魚漿、台灣海鮮漿、澎湖花枝漿、干貝鮮魚漿，呢幾款特別充滿台式風味，仲要係由台灣直送㗎～肉類我就推薦澳洲M9和牛牛丸、安格斯特選牛板键、美國PRIME極级肩里肌、豬雪花肉片、紐西蘭羊卷肉，每款都各有特色，肉質都唔錯。自助區仲有各款蔬菜、響鈴、台式無糖茶、台式包裝及罐裝特飲可以自取，真係琳瑯滿目啊！飲品我就推薦新推出嘅鴨屎香檸檬茶，檸檬味清香又唔會好甜，消滯解膩。食飽最後仲可以選擇一款甜品，有各款口味嘅雪糕又或者台式燒仙草可以揀，梗係要食燒仙草啦，一碗入邊有珍珠、椰果、紅豆、花生，簡直係大滿足呀！
首先湯底都有十款可以選擇，有辣有唔辣任君選擇，我就揀咗台式濃香蕃茄鍋，酸甜口味，非常開胃！
每次必食之選包括有私房鴨血、真豬小香腸、手打旗魚漿、台灣海鮮漿、澎湖花枝漿、干貝鮮魚漿，呢幾款特別充滿台式風味，仲要係由台灣直送㗎～
肉類我就推薦澳洲M9和牛牛丸、安格斯特選牛板键、美國PRIME極级肩里肌、豬雪花肉片、紐西蘭羊卷肉，每款都各有特色，肉質都唔錯。
自助區仲有各款蔬菜、響鈴、台式無糖茶、台式包裝及罐裝特飲可以自取，真係琳瑯滿目啊！
飲品我就推薦新推出嘅鴨屎香檸檬茶，檸檬味清香又唔會好甜，消滯解膩。食飽最後仲可以選擇一款甜品，有各款口味嘅雪糕又或者台式燒仙草可以揀，梗係要食燒仙草啦，一碗入邊有珍珠、椰果、紅豆、花生，簡直係大滿足呀！
張貼
