葫蘆餐廳 (已結業)

正值LUNCH時間，環境相當安靜，唔知是否價錢偏高的關係?星期六的中午，放工後獨自於葫蘆餐廳開餐，因為鍾意食牛扒，一見MENU就點左個7成熟紐西蘭肉眼扒配紅酒汁薯菜，而餐湯就係南瓜蓉忌廉湯。數分鐘後，餐湯連牛油多士一齊上，湯好香南瓜味而且味道好濃，多士好香脆配上半融化牛油，兩者一齊食感覺好合襯。再等約十分鐘，主菜亦上檯，一上檯而聞到好香的味道，而且賣相亦不錯。首先試西冷扒，7成熟剛剛好，不會太生及太熟，而且煎得好香口，食下去牛扒牛味一般，始終價錢問題，所以可接受。紅酒汁好香，配合牛扒亦不錯。薯菜並非炸薯而是焗薯，而菜就係西蘭花+甘荀條，菜就普普通通，但配合紅酒汁亦OK(可能只係烚菜)。餐飲點了凍奶茶，坦白講真係唔太好喝，茶太重味道好澀，喝了半杯便放棄。服務只係普通，原本想要茄汁及點餐茶，但叫左幾次先有人應，並非待應太忙，只係太空閒而吹水。無加一可以接受，但有加一就唔多得啦，始終加一就係要有良好服務態度，如果沒有就算食物再好相信顧客下一次亦未必再光顧。不過係收銀都有挽回遲少分數，起碼講了多謝幫襯，下次有機會再來希望見到有改善。