Verde MAR (已搬遷) 新店位置

好耐以前己經聽聞過呢間餐廳，因為佢有好多牛油果既菜式，作為牛油果迷既我一早己經bookmark左呢間餐廳！今次過黎到，果然無失望！因為碟碟都ig-able之餘，無諗過牛油果都可以做出咁多款唔同既味道！最吸睛一定係呢個牛油果toast，擺碟好用心，成朵花咁，幾岩拎黎打卡！而且超多牛油果，勁飽肚！wrap我地揀左豬肉餡，不過不失，亦係另一個飽肚之選。小食就叫左個nachos，夾埋牛油果食有另一番風味，即刻感覺無咁熱氣。最特別要介紹既一定係呢杯avocado smoothie，佢好貴，要成$78！叫個陣心都痛埋，我同朋友都係叫一杯黎share算，不過一飲，超級真材實料！好好飲！而且真係好滑，會令人不自覺咁飲。對於牛油果迷黎講，食完呢餐一定覺得好滿足（心靈上），不過………我地３個女仔食完以上食物,都大約只係７成飽，但價錢就要成約$250一個人，銀包都有ｄ肉赤。