八月堂 (已結業)

好耐冇去過屯門市中心，早排去行街先發覺原來八月堂係呢度都開咗一間分店。以而家嘅時勢而言，八月堂分店越開越旺，逆市擴充生意真係幾犀利。其實之前同朋友喺葵坊新都會分店已經試過其中一款牛角酥，當時都覺得味道不錯，而今次經過又覺得有啲肚餓，就決定買過牛角酥嚟做下午茶。據講有啲分店會有店舖限定口味，但可能太多人幫襯，當日見到嘅款式唔算太多，好多都俾人買走晒，所以就揀咗焦糖布丁款。-焦糖布丁可頌 $23酥脆嘅牛油皮，配上滑捋捋嘅焦糖布甸，呢款甜食牛角酥個人覺得幾正。雖然布甸甜度唔算好足，但有淡淡嘅焦糖香氣同糖霜作點綴，酥皮令整體層次更豐富。