牛牛日式火鍋放題 (海之戀商場) (已結業)

-牛牛日式火鍋放題-📍荃灣.諗唔到食咩的話就最好打邊爐，咩都有得揀。今晚想瘋狂食肉，就揀左牛牛日式火鍋放題，一人一鍋，可以各自選擇鍾意嘅湯底。.因為想食牛舌，於是選擇咗LV3澳洲和牛放題套餐 ($318)。LV3比LV2只係貴$30，有成85款食品選擇，仲可以免費追加酒精類飲品，好抵。.一人一鍋，試唔同味的湯底。我哋就揀咗膠原豬骨湯和傳統山椒味噌。膠原豬骨湯味道都幾香；而傳統生椒味噌就較清淡，湯底已經有幾件凍豆腐。.牛肉的選擇都好多，有成6款。澳洲和牛、丹麥黑安格斯牛、丹麥王樣牛小排、美國特選牛肉、丹麥封門柳和極上牛舌。.牛舌encore了好幾次，雖然比較薄切，但食落夠爽口彈牙又夠牛味。牛肉就最鍾意澳洲和牛，肉味好香濃又夠嫩滑。.豬肉有西班牙伊比利亞豚肉和丹麥豚梅肉，伊比利亞豚肉好香。.澳洲綠草原羊肩肉都Encore左幾次。.另外仲有前菜、沙律、海鮮可供選擇。點咗帆立貝，估唔到都好新鮮同大隻。.另外仲有我最鍾意嘅炸榴槤。.用QR code點完餐之後，就去自助區選擇自己鍾意嘅火鍋配料。呢度嘅配料都有好多，有唔同嘅蔬菜、丸類，仲有麵食等。.而且仲有熱食區，有炸薯條、椰菜天婦羅等，最特別係有