牛舞日本燒肉‧涮涮鍋放題 (1亞太中心) (已結業)

最近燒肉癮發作所以就約咗朋友去開餐，好想食啲高質靚牛所以叫咗日本薩摩和牛放題。落咗單冇耐侍應好快就送上和牛拼盤，其餘食物就要用 QR Code 落單，另外仲有啲熟食同火鍋材料放咗喺出面自助吧枱，飲品亦有啤酒提供。日本薩摩和牛真係無輸，啲雪花紋已經話我知有幾正，入口即溶牛味濃郁。海鮮有墨魚仔、多春魚、虎蝦、牛油帆立貝等等，質素都唔錯。吉列炸蝦同炸墨魚餅呢兩款炸物超好食，炸物上枱時熱辣辣又脆口，同朋友都一致讚好。雪糕櫃以明治雪糕為主打。