洪祖師 (已結業)

平時成日經過呢間野，但一直都冇食過。因為咁岩唔想自己煮，所以揀左呢間既外賣。叫左個套餐，有一碗紅燒牛肉面，一包鹽酥雞，同一杯奶茶。因為唔夠100免唔到運費，另外再＋28蚊叫左個滷豆腐。整體黎講，個面幾好食，牛肉夠腍，足足有4大舊，俾左舊呀媽試，佢本身D 牙唔係咁好，食唔到硬野，都讚D 牛肉夠腍夠有味。鹽酥雞都OK，正常發揮，奶茶就普通台式奶茶。只係滷豆腐就有D貴，28蚊細細地一舊，味道OK既，但份量真係唔多，如果做外賣既話，10-15蚊會好D 。