鴻發香港仔魚蛋粉

營業中

休息中

今日係大埔做完gym又去左一次係大明里既鴻發香港仔魚蛋粉。下午茶餐麵食加凍飲都只係35蚊因為最近食左一次牛腩河，今次就打算換下口味試下牛肚河。牛肚同河粉都係份量十足，再加上一杯凍飲，相信大部人都可以夠飽做一頓午餐。河粉跟餐會送一匙香蔥同少量炸蒜，相同野味。今次重點係牛肚河，重點介紹下總共七塊牛肚，形狀5塊長條形，2塊邊尾位置，由顏色上可見煮得十分入味，表面被滷汁浸成偏啡色，食落味道咸淡適宜，深入去仍是白色，洗得乾淨。大小合適，大小大家可以對比放在旁邊既匙羹。同時牛肚唔會煮到太淋而失去口感，相反，入味得黎牛肚保持一定彈性。