銀河牛腩牛雜粉麵 (已搬遷) 新店位置

牛腩雲吞麵，哩間係我食過最好食嘅一間，好多粉麵店都係用雪藏牛腩，哩間店係用新鮮牛腩，牛腩真係有種新鮮嘅味道，入口肥瘦均衡，仲要好多份量，真係唔可以睇少，係天水圍都有間咁出色嘅舖頭，我食開雙拼雲吞，佢啲雲吞真係好足料，成粒乒乓球咁，啲豬肉好紮實，蝦肉都幾夠彈牙，個腩汁底真係愈食愈過癮。啲河粉又係好滑溜易入口，依家價錢加咗啲，但都合理，因為份量都係咁多。所以有朋友入黎探我我都會帶佢地去食哩間牛腩粉，因為真係值得推介。