スーパー丼 (駱克道) (已結業)

今日同老婆去咗銅鑼灣食晏，間舖頭名叫做Superdon 門口已經有一個好大塊嘅Menu喺度一目了然。有晒食物相睇同埋價錢，睇啱就即刻入去坐低嗌嘢食唔使煩。我地叫咗一個鵝肝和牛飯丼（老婆超鐘意食鵝肝），一個極上北海道丼（店員さん大推）😋再加一杯巨峰calpis乳酸。每一款丼飯都會陪一碗湯同一個前菜小食，講 下個鵝肝和牛飯先，和牛唔係油脂豐富果一種和牛肉，所以會有咬口不過唔係韌嗰種，配搭已經淋喺上面帶啲甜味嘅醬汁。鵝肝口味超濃郁，但本身唔係鵝肝愛好者所以留返俾老婆食大舊啲😝（老婆好鍾意食）然後就係壽司飯啦！食材分量充足，鋪滿晒喺個飯上面！個海膽真係好好食🤤唔係一般嘅質素，唔會有一大浸勁腥臭味，入口好鮮甜同埋食到少少海水嘅咸味而且分量唔少😋帆立貝又大粒，三文魚子唔會勁腥，再配吞拿魚腩蓉同埋油甘魚刺身，真係超級好味！埋單連加一$397有鵝肝、和牛、鮮味海膽！抵食！