名館 (黃埔天地) (已結業)

呢日三五良朋嚟到紅磡美食坊呢間新開無耐嘅名館食晚飯我哋叫左蜜椒土豆安格斯牛柳粒($68)、 蝦球蟹子銀絲煲($68)、私房金黃球泡飯($68)、生煎肉末蓮藕餅($38)、手工蔥油餅($38)、摘蟲草花滑鷄蒸飯($58)、沸騰水煮滑魚片($168) 同 金薯棋子酥($68)。蜜椒土豆安格斯牛柳粒先上，餐廳職員上菜時介紹其中的土豆(薯仔)係鮮炸嘅，薯仔粒食落果然外面香口薯仔味濃，啱晒我呢D薯仔控。主角牛柳粒咬落肉質鮮嫩，配上新鮮嘅彩椒，唔錯！蝦球蟹子銀絲煲，呢個菜一上枱已經閒到好香，滋滋聲夠晒鑊氣，蝦球新鮮彈牙，帶有醬油香味嘅粉絲有好多蟹子，配埋上面新鮮嘅芫荽一齊食更加正！私房金黃球泡飯，湯底鮮甜，見到有肉末同彩椒。金黃球其實係外面脆身略帶焦香嘅飯球，食之前將飯球弄散，等飯吸左湯底嘅鮮甜味，食落鮮甜略帶焦香，加上脆脆地嘅飯粒，夠出色！生煎肉末蓮藕餅，外面香脆入面肉質鮮軟，加上爽口嘅蓮藕粒同蔬菜粒去油膩感，香口又好味。手工蔥油餅，裏面的質感有D似炸饅頭，表面香脆，香口嘅芝蔴加上香蔥，既香口又唔油膩，做得唔錯。鮮摘蟲草花滑鷄蒸飯，鷄肉爽口有鷄味，除左鮮摘嘅蟲草花、紅棗，飯入面仲有好多紅藜麥，呢